Ракувањето е многу повеќе од тоа што мислат луѓето. Може да каже многу за довербата, намерата, контролата, стравот, заплашувањето и недостигот на почит. Затоа е добро да знаете како да го прочитате овој едноставен, но информативен знак на телото.

Двојно ракување

Ако човекот се ракува така што ја користи и другата рака, тоа е знак дека ја прифаќа доминацијата на соговорникот, но сака дискусија. Со ова тој вели: „Ајде да разговараме за тоа“ и покажува дека е искрен и отворен за комуникација. Меѓутоа, ако другата рака се стави над противничката, тоа може да значи недостиг на доверба и форма на самоодбрана.

Доминантно ракување

Ракување како борач и префрлување на раката на противникот. Дланката свртена надолу покажува доминација и дури може да се смета за агресивно. Личноста во основа вели: „Јас сум шефот, не ми е гајле што мислиш, јас ќе го кажам последниот збор“. Свртувањето на раката надолу е знак за преземање контрола врз другата личност.

Смирено ракување

Спротивно на тоа, дланката свртена нагоре е „покорно“ ракување. Овој тип на ракување укажува на плашлива личност или луѓе што се плашат. Тоа значи дека човекот не е сигурен и лесно може да се доминира над него. Ако потсвесно дозволите палецот на другата личност да биде на врвот, вие ѝ давате контрола.

„Мртва риба“

Ако ракувањето е млитаво како „мртва риба“, тоа открива недостиг на посветеност, рамнодушност, па дури и слабост. Тоа дава порака дека тој човек лесно може да стане покорен. Меѓутоа, во некои култури, како што се африканските земји, мекото ракување е љубезен поздрав, додека цврстото ракување може да се смета за навредливо.

„Куп од моркови“

 

Кога човек се ракува и ја стиска раката меѓу прстите, тој покажува пасивност, односно вели: „Не ми е гајле. Нема ни да се трудам“. Но, тоа може да значи и дека овој човек едноставно не сака физички контакт.

Извор: n1info.hr

Фото: Freepik