„Инстаграм“ работи на нова, посебна апликација за шопинг која најверојатно ќе се вика „Ај-Џи шопинг“.

Преку оваа апликација корисниците ќе можат да ги прегледаат производите од брендовите што ги следат на главната инстаграм-апликација, а посакуваните производи ќе можат да ги купат токму преку апликацијата „Ај-Џи шопинг“.

Од „Инстаграм“ не сакаа да ја коментираат новата апликација, меѓутоа, странските веб-страници велат дека имаат извори што ја потврдиле оваа приказна. Сепак, во овој момент не се познати многу детали.

Брендовите засега можат индиректно да ги продаваат своите производи преку „Инстаграм“ така што на објавените фотографии ги означуваат своите производи со линкови што корисниците ги водат до веб-страницата на брендот. Освен тоа, брендовите можат да ги продаваат своите производи и преку „Инстаграм приказни“.