Бајковитото село Подлесичко е тематски парк во рамките на хотелскиот комплекс Подлеси во селото Снежне, во Височинскиот крај во Чешка.
Се состои од 11 посебни колиби кои изгледаат како да излегле директно од бајка. Всушност, овие колиби се посветени на популарни ликови од чешки и меѓународни бајки - сè, од Будулинек и Вохомурка, до Снежана и Црвенкапа.
Затоа не е изненадување што тие се голем туристички хит меѓу семејствата со деца, но и меѓу возрасните кои одбиваат да признаат дека повеќе не се деца. Колибите може да се посетат самостојно или со платен водич, а дури можете и да преноќите во нив.
Секоја колиба зафаќа површина од приближно 45 квадратни метри и може да смести четири до пет лица. Вклучува спални соби, дневна соба со кујна и шармантна тераса.
Бајковитиот тематски парк е совршено интегриран во шумската околина на Височинскиот крај, што инаку е одличен избор за активен одмор во природа.
Извор: punkufer.dnevnik.hr
Фото: YouTube screenshot