Уметникот Џеф Ли Џонсон создава застрашувачки слики. Кога ќе погледнете во неговите илустрации, секој мал детал е важен. Џеф ја исполнува сликата со толку многу детали, што е тешко да го тргнете погледот од неговите дела. Се чини дека со секој нов поглед откривате нешто ново.

- Мајка ми беше страстен читател на научна фантастика, фантазија и хорор, и слободно ги делеше тие книги со мене. На нашиот телевизор постојано се прикажуваа класичните филмови. Поминав многу време читајќи ги книгите и гледајќи ги филмовите, играјќи различни улоги во тие приказни и стекнувајќи емпатија и увид во широк спектар на личности и ситуации - раскажува тој.

Џонсон ги создал овие илустрации за да изгледаат сосема нормално на прв поглед, дури и идилично, но за брзо време се трансформираат во нешто страшно.

Ликовите што се наоѓаат на илустрациите изгледаат поважни од натприродните сили или несреќните околности, иако секоја слика има по малку од сѐ.