Ќе има денови кога ќе биде доволно да се сетите дека сте направиле многу со тоа што го одржувате вашето бебе живо, здраво, нахрането, чисто и облечено.
Станувањето родител е исклучително важен животен настан кој е поврзан со промена во идентитетот на родителите. Особено ова е истакнато кај мајките затоа што тие доживуваат низа значителни промени (физички, физиолошки и психолошки) во текот на бременоста, за време на раѓањето, како и по породувањето. Соодветна грижа за менталното здравје на мајките во овој транзициски период е нужна бидејќи здравјето на мајката и здравјето на детето се инхерентно поврзани. Поинаку кажано, среќна мајка-среќно дете, вели психологот Даниела Неделкова.