Професорот Александар Соуза од Универзитетот во Синсинати го претставил планот за следните десет години кој подразбира глобално истражување за однесувањето на неутрините, честички толку мали што поминуваат низ речиси сè во трилионитиот дел од секоја секунда, речиси со брзина на светлината.

Неутрините се најзастапените честички со маса во универзумот, поради што научниците сакаат да дознаат повеќе за нив. Тие се произведуваат со нуклеарна фузија на Сонцето, радиоактивно распаѓање во нуклеарни реактори или Земјината кора, како и во лаборатории со забрзувачи на честички. Во текот на движењето тие можат да се префрлат од една од трите „форми“ или типови неутрино честички во друга и повторно да се вратат.

Сепак, неочекуваните резултати од експериментите ги навеле физичарите да се посомневаат дека постои четврти тип неутрино честичка, наречена стерилна неутрино, бидејќи се чини дека е имуна на три од четирите познати сили.

-Теоретски, работи со гравитација, но не е во интеракција со слабата нуклеарна сила, силната нуклеарна сила или електромагнетната сила - вели Соуза.

Во новиот труд, Соуза и неговите колеги дискутираат за експериментални аномалии во истражувањето на неутринските честички кои ги збунуваат научниците. Трудот е резултат на вежба за планирање на заедницата за физика на честички, позната како „Снежна маса 2021/2022“.

Во наредните години се очекуваат напредни истражувања, вклучително и проекти како „ДУНЕ“ и „Хипер-Камиоканда“, кои би можеле да дадат одговори на клучните прашања за материјата, антиматеријата и потеклото на универзумот.

Извор: benchmark.rs

Фото: Freepik