Кога помислувате на Шкотска, што прво ви паѓа на памет? Мочуриштата, шумите, животните и ливадите со километри. Ова е место каде што можете да се поврзете со природата.

Уништувањето на шумите во Шкотска се одвивало во текот на стотици години, почнувајќи од 18 век кога дрвјата биле масовно сечени. Во почетокот на 19 век повеќе дрвја биле исечени за да се направи простор за земјоделството. До 50-тите, останал само околу 1 отсто од оригиналната Каледонска Шума која некогаш покривала поголем дел од Шкотска.

Што претставува акцијата за враќање на дивината?

Компаниите за зачувување на природата и екотуризмот работат на оживување на дивината во Шкотска токму преку враќање на дивината. Тие заземаат целосен екосистемски пристап кон природата. Напорите за враќање на дивината вклучуваат отстранување на инвазивните видови, пошумување и повторно воведување ендемични растенија и животни.


Фокус на националниот парк Кернгормс

Националниот парк Кернгормс во шкотските висорамнини е најголем проект каде што се планира враќање на дивината во Обединетото Кралство. Комбинацијата од уништување на шумите, прекумерно пасење и климатски промени доведе до исчезнување на огромни шуми и многу животински видови. Бидејќи е дом на една четвртина од родната шума на Шкотска, Кернгормс е главен фокус на напорите за враќање на дивината.

Екотуризмот го поддржува враќањето на дивината

Бизнисите за екотуризам сега ја поддржуваат оваа иницијатива и сакаат да ја зголемат свеста за овие напори.

Компанијата за екотуризмот „Вилдернес Скотланд“ работи со „Трис оф лајф“, непрофитна организација посветена на реставрација на природата, па овозможува петдневно патување кое ќе ги однесе планинарите низ ридовите со живописни дрвја.

Шкотската Алијанса за враќање на дивината се фокусира на обновување на природата на поранешен имот за лов. Основачот Пол Листер овозможил 9.300 хектари од резерватот за пошумување и засадил над еден милион дрвја.

Извор: Travelawaits.com
Фото: Freepik