Импулсивно, Вајли Оверстрит го постави својот телескоп надвор од неговиот стан. Сакаше да ја гледа Месечината. Не ни замислуваше дека за неколку часови ќе инспирира стравопочит кај стотици странци на улиците на Лос Анџелес.

-Неверојатно е колку луѓе никогаш не гледале низ телескоп. Многу луѓе мислеа дека сликата не е вистинска, мислеа дека играме со нив - истакнува Алекс Горош, пријател на Оверстрит.

Двајцата пријатели биле толку обземени од реакциите на непознатите луѓе што почнале да го поставуваат телескопот на различни локации низ градот, истовремено снимајќи.

-Тогаш ја препознавме моќната порака на единството што го ловевме - рече Горош.

Сето тоа резултирало со филм наречен „Нов поглед на Месечината“. Минатата година, кога имаше затемнување на сонцето, Оверстрит и Горош беа сведоци како еден космички настан има моќ да ги зближи луѓето.

-Тука станува збор за одење чекор наназад и за ценење на убавината и големината на природниот свет околу нас. Звучи непријатно, но ако можеме да го правиме тоа почесто, би било многу полесно да ги решиме поделбите со кои се соочуваме како култура - истакна Горош.