Некои градови воопшто нема да бидат погодени од растечкото ниво на морето, но Венеција не е меѓу нив. Сепак, постои надеж за туристичкиот центар благодарение на проекти како овој за спречување поплави.

Станува збор за систем кој се состои од 78 порти, високи 20 метри, кои се креваат од водата кога се очекува поплава. Системот се градел 18 години, а сега е во функција и го поминал првиот тест кога го заштитил градот од поплава минатиот октомври. Системот спречил да влезат бранови високи над 1 метар.

Оттогаш бил искористен повеќепати, а во декември не успеал да спречи неочекувана висока плима да влезе во градот. Сепак, во овој случај метеоролозите погрешно ја процениле височината на приливот, па затоа властите не го вклучиле системот.

Изградбата на системот чинела над 6 милијарди евра. Погледнете го во акција во видеото во продолжение.


Извор: Open Culture
Фото: Pixabay