Мраз од недопредните глечери во Гренланд пристигнува во баровите во Дубаи. Станува збор за дел од нова понуда на егзотичен коктел овозможена од компанија од Гренланд која сака да им понуди уникатно искуство на потрошувачите и да воведе уште еден начин на заработка за данската автономна територија.

Компанијата „Арктик ајс“, основана во 2022 година, собира мраз од фјордовите на Гренланд и го транспортира до Обединетите Арапски Емирати за продажба во ексклузивни барови.

Малик В. Расмусен, еден од основачите на компанијата, ги истакнува уникатните својства на мразот, нагласувајќи ги неговата чистота и помалата брзина на топење во споредба со обичните коцки мраз.


Тој објаснува дека овој мраз се добива директно од природните глечери на Арктикот кои се замрзнати над 100.000 години. Тие делови од ледените плочи не биле во контакт со земјата, ниту биле контаминирани од загадувачи создадени од човечки активности. Ова го прави мразот најчист на Земјата, објаснува Расмусен.

Компанијата се соочи со неочекувани критики и реакции на социјалните мрежи поради грижи поврзани со глобалното затоплување. Меѓутоа, компанијата тврди дека процесот на вадење на мразот е еколошки и со него се одбегнува контаминација на мразот. Освен тоа, компанијата е посветена да стане целосно јаглеродно неутрална, односно да не создава штетни гасови.

Извор: Zimo
Насловна фотографија: Arctic Ice