После серијата бомбашки напади во текот на последните 24 часа во Тајланд, Министерството за внатрешни работи ги советуваше луѓето во туристичките места да бидат екстремно претпазливи, да избегнуваат јавни места и да ги следат упатствата на локалните власти.

 

Четири бомби експлодирале во Хуа Хун, туристички град јужно од Бангкок, при што загинале две лица, додека во експлозиите што се случиле во Сурат Тани загинало едно лице.

Експлозии имало и во Патонг во Пукет, во Транг каде загинало eдно лице и во Панг Нга.

Туристичките локации биле цел на нападите, а се случија во петокот, за време на државниот празник по повод роденденот на кралицата Сирикит.

Иако засега не постои поврзаност со терористите кои стојат позади скоро сите неодамнешни напади, сепак постојат одредени шпекулации. Со оглед на сериозноста на ситуацијата и опасностите, на мапата погоре можете да видите кои земји се повеќе или помалку опасни за посета.