Подобрете ја вашата меморија, обработката на податоци и способноста да се справите со стресот со неколку основни вежби.

 

Секој научник ќе ви каже дека трчањето предизвикува зголемување на ендорфин во мозокот, со што се создава чувство на благосостојба. Исто така, овие вежби ја подобруваат концентрацијата и интелигенцијата.

Истражување објавено во „New Scientist“ објаснува дека мозокот на луѓето кои редовно вежбаат изгледа различно во споредба со луѓето кои живеат порелаксирачки начин  на живот.

 

Редовното вежбање ви овозможува да донесувате подобри одлуки (со тоа што овозможува крвта да тече низ предниот фронтален предел на мозокот), додека играњето спорт овозможува подобро читање на картите. Спортот како што е крикетот или просторните активности како сурфањето ве тера постојано да размислувате за тоа како вашето тело се движи низ вселената и како предметите се појавуваат од различни агли.

1. Јога - меморирање и обработка на информации

Со стимулирање на фронталниот лобус, јогата ја подобрува вашата способност да ги интегрирате мислите и емоциите. Таа често помага во справување со стресот, а истражување од Сара Лазар од Универзитетот Харвард, потврдува дека таа поттикнува физички промени во мозокот. Лазар откри дека јогата ја намалува големината на регионот на мозокот кој го обработува стравот и анксиозноста. Друго истражување од Универзитетот во Илиноис пронајде дека со само 20 минутна сесија јога, кај студентите се подобрило процесирањето на информации.

2. Интервално тренирање - апетит и глад

Повеќе истражувања покажуваат дека контролата на гладот, која се случува во хипоталамусот, се подобрува со интервалното тренирање. Ова важи и за други зависности како што се цигарите. Истражување од Универзитетот во Плимут им дало задача на кандидатите да не пушат 15 часа, а потоа им прикажале фотографии од цигари. Скенирањата на мозокот на пушачите кои вежбале 15 минути покажале дека тие биле видно опуштени кога ги гледале сликите. Слично истражување открива дека помалку интензивните вежби направени на жешка температура го намалуваат апетитот, и обратно.

3. Циркуларно тренирање - Внимание кон деталите

Овој вид на тренинг влијае врз голем број на области на мозокот како што е префронталниот кортекс, париеталниот лобус и малиот мозок. Со тоа се подобрува визуелната и просторната обработка како и способноста да преминувате од една во друга задача. Исто така, се покажа и како одлично кога станува збор за вниманието и деталите.

4. Аеробик - вербална меморија

Редовните аеробик вежби ја подобруваат работата на меморијата во хипокампусот. Со тоа се подобрува вербалната меморија како и можноста да се потсетиме на зборот кој ни е „на врвот на јазикот“.

5. Кревање тежина - Мултитаскинг и решавање на проблеми

Истражување спроведено од „New Scientist“ покажува дека сесии долги еден до два часа во кревање на тежина ја стимулираат активноста во предниот дел на мозокот, ја подобруваат извршната функција и асоцијативната меморија кај учесниците. Асоцијативната меморија е онаа меморија кога поврзуваме две работи како што е поврзување на одредено име со одредено лице. Кревањето тежина исто така го подобрува распонот на внимание, па дури и ги одложува ефектите од Алцхајмеровата болест.