Денес е петок, 30 декември 2016 година, 365-иот ден во годината. Сонцето
изгреа во 06:55, а ќе зајде во 16:17 часот. Денот ќе трае 9 часа и 22
минути.
И ова утро како и претходните во најголем дел од Македонија имаме
умерено облачно, ветровито но и студено време. Слаби врнежи од снег
имаше на Маврово, планински превој Ѓавато и понекаде во североисточните
предели. Сончеви периоди во утринските часови се очекуваат во крајните
западни и во југоисточните предели.
МАКЕДОНИЈА – Во Македонија денеска ќе биде умерено облачно со повремени
сончеви периоди, ветровито и студено. Повеќе сончеви период се очекуваат
во западните предели, иако попладне се очекува насекаде веќе процес на
намалување на облачноста. Ќе дува доумерен засилен северозападен и
североисточен ветер кој ќе достигне брзина и до 40 км/ч. Утринските
температури од -10 до 1 степени, а максималните дневни од -5 до 5
степени.
СКОПЈЕ – Во Скопје денеска ќе биде умерено облачно со повремени сончеви
пеироди, ветровито и студено време. Ќе дува доумерен северозападен
ветер. Утринската температура од -1 степен, а максималната дневна до 1
степен.
МАКЕДОНИЈА 5 ДЕНА - Последното утро од 2016 година ќе го започнеме со
утрински температури од -13 до -3 степени, а во текот на денот претежно
сончево со локална облачност и малку потопло со температури од -3 до 7
степени. За време на новогодишната ноќ ќе биде претежно ведро и студено
време со појава на умерен мраз, затоа бидете внимателни и облечете се
слоевито. Првото утро во 2017 ќе го продолжиме како што ја завршивме
2016, студено утро со појава на умерен мраз и температури од -14 до -5
степени. Во текот на денот сончево и потопло време со дневни температури
од -1 до 9 степени. Во понеделник продолжуваат ниските утрински
температури кои ќе се движат од -13 до -4 степени. Во текот на денот
сончево и потопло време со температури од 0 до 10 степени. Во вторник
умерено облачно време со повремени сончеви периоди и потопло време со
максимални температури од 1 до 11 степени, а позначителен пораст се
очекува и на утринските кои ќе се движат од -9 до -1 степени.
Weather4all.com.mk