Цените за високо образование во Европа сè повеќе зависат од пасошот. Додека некои земји го третираат образованието како јавно добро, други преминуваат кон пазарни цени.
Најскапи дестинации: Велика Британија и Скандинавија
• Велика Британија: Убедливо најскапа дестинација каде што странските студенти плаќаат и до 44.000 евра годишно.
• Норвешка: Од 2023 година воведе школарини од 15.000 до 34.000 евра годишно. Поради екстремно високите трошоци за живот, вкупниот буџет може да биде повисок отколку во Лондон.
• Данска и Финска: Во Данска школарините за странци достигнуваат до 18.000 евра, додека во Финска изнесуваат до 12.000 долари годишно.
• Холандија: Странските студенти плаќаат меѓу 13.000 и 32.000 евра годишно. Поради одлив на кадар по дипломирањето, државата го намалува бројот на програми на англиски јазик.
Промени во Франција
• Франција: Од академската 2026/2027 година школарините за студенти надвор од ЕУ драстично се зголемуваат (дури 16 пати). Цената за додипломски студии ќе изнесува околу 2.900 евра, а за мастер-студии околу 4.000 евра годишно.
Најпристапни во Европа
• Грција и Австрија: И во двете земји школарината за странски студенти изнесува скромни 1.500 евра годишно на јавните универзитети.
• Италија: Не наплатува дополнително за странци; сите студенти плаќаат исто, односно околу 2.570 евра годишно на јавните факултети.
• Германија: Образованието на јавните универзитети е бесплатно и за студенти надвор од ЕУ. Се плаќаат само административни семестрални такси од 200 до 500 евра, но трошоците за живот во големите градови се високи.
• Полска: Една од најевтините со цени од 1.000 до 3.000 евра годишно и ниски трошоци за живот.
Состојба на Балканот
Земјите од поранешна Југославија нудат специфични олеснувања и реципроцитет за студентите од регионот. За странците, цените се следни:
• Србија: Од 2.000 евра за општествени науки до 5.000 евра за медицина на англиски јазик.
• Хрватска: Цените за медицина за студенти надвор од ЕУ можат да достигнат и до 12.000 евра.
• Црна Гора: Има наједноставен модел со околу 500 евра по семестар на државниот универзитет.
• Босна и Херцеговина: Станува центар за приватни факултети со цени за медицина и инженерство и до 15.000 евра годишно.
Фото: magnific