Ако сонувате за електричен автомобил, но како и повеќето луѓе не можете да си дозволите „тесла“, постои решение за вас. „Чангли“ е најевтиниот електричен автомобил во светот, кој чини околу 820 евра, односно 1.050 евра со поголема батерија, а може да се порача онлајн.

Возилото е дизајнирано и произведено од кинескиот произведувач „Чангџоу ксили кар индустри“. „Чангли Немека“ е мало електрично возило кое привлече големо внимание откако беше промовирано како најпристапниот електричен автомобил во светот. Електричниот мотор е способен за производство на 1,16 коњски сили и нуди максимална брзина од 30 километри на час. Сепак, автомобилот доаѓа со интересни функции како клима, грејачи, радио, камера...

Но, според многумина, најимпресивно е тоа што овој производ може да биде доставен пред вашата врата затоа што секој може да го порача онлајн. Всушност, единствен начин да го купите е преку нарачка на „Алибаба“.