Денес е петок, 20 јануари 2017 година, 20-иот ден во годината. Сонцето
изгреа во 06:51, а ќе зајде во 16:38 часот. Денот ќе трае 9 часа и 47
минути.
Ова утро во насекаде во Македонија имаме претежно облачно и студено
време, а во одделни котлини има и појава на слаба магла.
МАКЕДОНИЈА – Во текот на денот ќе биде претежно облачно време со услови
за повремени сончеви периоди и тоа на повисоките места како и во
крајните југоисточни предели. Ќе дува доумерен слаб северозападен и
североисточен ветер. Температурите ќе бидат во опаѓање и ќе бидат под
просекот за овој период од годината, минималните од -6 до 1 степен,
додека пак максималните ќе достигнат до -3 односно од 5 степени.
Во вечерните часови и во текот на ноќта појава на магла кој што ќе ја
имаме речиси насекаде во Македонија, а понекаде ќе услови и намалена
видливост помала од 100 метри.
СКОПЈЕ – Во Скопје во утринските часови појава на слаба магла, а во
текот на денот ќе биде претежно облачно, ветровито и студено. Ќе дува
слаб северозападен ветер. Утринската температура од -2 степени, додека
пак максималната дневна до 1 степен.
МАКЕДОНИЈА 5 ДЕНА – Во сабота и недела во утринските часови појава на
магла која што по котлините и долините на реките ќе се задржи во поголем
дел од денот, додека пак во останатите предели како и на повисоките
места ќе биде претежно сончево со локална облачност. Утринските
температури од -11 до -3 односно од -12 до -4 степени, додека пак
максималните дневни во сабота од -1 до 6, а во недела од 0 до 7 степени.
Во понеделник по магловитото утро, претпладне умерено облачно со сончеви
периоди, доцна попладне и навечер продор на влажна воздушна маса од
југозапад која ќе донесе врнежи од дожд и снег и само снег над 800 метри
надморска висина. Температурата од -2 до 5 степени. Во вторник облачно
време со слаби врнежи од дожд и снег, а над 700 метри врнежите ќе бидат
од снег. Максималните температури од -1 до 5 степени.
Weather4all.com.mk