Денес е среда, 24 мај 2017 година, 144-иот ден во годината. Сонцето
изгреа во 05:01, а ќе зајде во 19:58 часот. Денот ќе трае 14 часа и 57
минути.
Во раните утрински часови во источната половина од Македонија како и во
крајните западни планински предели преовладува претежно облачно време со
услови за сосема слаби и локални врнежи од дожд, додека пак во
останатите предели претежно сончево со локална облачност.
МАКЕДОНИЈА – Во Македонија и денеска не очекува еден нестабилен ден, ќе
биде умерено облачно со врнежи од дожд и грмотевици и свежо време.
Поинтензивни врнежи се очекуваат попладне и тоа во крајните западни како
и во североисточните и источните предели каде што локално може да
наврнат и над 20 литри дожд. Ќе дува доумерен слаб ветер од променлив
правец. Утринските температури од 7 до 15 степени, додека пак
максималните дневни од 12 до 22 степени.
СКОПЈЕ - Во Скопје денес умерено облачно и нестабилно време со врнежи од
дожд и грмотевици, иако во раните утрински часови се очекуваат и доста
сончеви периоди. Ќе дува доумерен слаб североисточен ветер. Утринската
температура од 13 степени, а максималната дневна до 22 степени.
МАКЕДОНИЈА 5 ДЕНА - Во Македонија во четврток ќе биде умерено облачно и
нестабилно време со поинтензивни врнежи од дожд и свежо време со
температури кои ќе се движат од 11 до 21 степени. Врнежите од дожд ќе
продолжат и во текот на ноќта четврток кон петок како и во петок во
утринските и претпладневните часови кога врнежите че бидат и
поинтензивни. Минималните температури од 4 до 12 степени, додека пак
максималните дневни од 12 до 22 степени. Во сабота и недела умерено
облачно време со сончеви периоди, но во западните како и во крајните
источни и североисточни предели со услови за слаби врнежи од дожд.
Минималните температури од 4 до 12 степени, додека пак максималните
дневни од 12 до 22 односно од 13 до 23 степени.
Weather4all.com.mk