![карта](/images/news/2017/07/20170703-kako-najevtino-da-rezervirate-avionska-karta-m.jpg)
Фото: Thinkstock
29 годишниот Џек Шелдон од Тексас, основач на сервисот „Jack's Flight Club“ открива неколку начини за резервирање на што поевтини авионски летови.
Избегнувајте директни резервации - Иако најлесно е да резервирате авионски карти преку веб страниците на авиокомпаниите, најевтините понуди ги нудат туристичките агенции.
Издвојте време за пребарување - Повеќето луѓе, поради работата и обврските, не стигнуваат да посветат повеќе време во разгледување на понуди, што е голема грешка. Најдобрите понуди често не се оние најочигледните. Така, за евтина карта ќе треба малку повеќе да се потрудите.
Времето на резервација на картата е важно - Никогаш не купувајте авионска карта во „шпиц сезона“. Јануари и февруари се најдобрите месеци за планирање на летување, додека летото е најдобро време за купување на карти за патување на Божиќ.
Игнорирајте ги митовите - Во последните неколку години на интернет се раширија гласини дека авиокомпаниите го следат вашето интернет пребарување, и секој нареден пат кога ќе влезете на нивната веб страница тие ја зголемуваат цената на картата. Но, тоа е лага. Бришењето на „колачињата“ нема да помогне, како ни купувањето во одредени датуми. Мит е и тоа дека купувањето во последен момент е најскапо.
Нека прстите ви бидат што побрзи - Доколку дојде до грешка на некоја страница или налетата на некоја специјална понуда, не се двоумете бидејќи ваквите можности траат неколку часа до неколку дена. Исто така, не се двоумете да резервирате кога ќе забележите грешка на некоја од страниците бидејќи
авиокомпаниите се должни да ви ги рефундираат парите во случај на непризнавање на купената карта.