Ако се замислите себеси дека стоите на работ на Тролтунга, на 700 метри над езерото Рингедалсватнет во Норвешка, ќе имате чувство дека сте на работ на Земјата.


Фотографиите на познати места што се појавуваат на социјалните медиуми можат да направат да поверувате дека се работи за најопасните и најдалечни места што постојат, но постои друга вистина зад екраните. Во реалноста, се работи за места кои се преполни со туристи што се обидуваат да ги направат најдобрите фотографии. Кога се работи конкретно за Тролтунга, место кое е често споделувано од патници, има редици луѓе кои чекаат со часови за да добијат една минута во која ќе успеат да создадат фотографии како спомен од ова место.


Ако ги прочитате освртите што се споделени на „ТрипЕдвајзор“, ќе наидете на многу поплаки затоа што на местото има премногу луѓе. Многумина советуваат дека на Тролтунга треба да се пристигне во 6 часот наутро за да се избегне хаосот. Но, и покрај сите овие коментари, несомнено е дека се работи за магично искуство бидејќи природните пејзажи се воодушевувачки. Глечерски езера и планини кои навистина даваат до знаење колку се всушност луѓето мали, а природата моќна, застрашувачка и воедно прекрасна.