„Акцијата е вистинската мерка на интелигенција“ - Наполеон Хил

За жал, се чини дека општеството не ја цени вистинската интелигенција денес, затоа што има тенденција да го занемари критичкото размислување и било која друга форма на високо ниво на знаење.

Интелигентната личност има големи идеи, но често се игнорирани во корист на оние кои имаат способност да забавуваат и да не` одвлекуваат од она што навистина се случува. Оние со високо ниво на интелигенција не се интересираат за вестите и денешните новости, и наместо тоа, тие го ценат длабокото размислување со цел да се здобијат со перспектива и нови идеи.

Интелигенцијата е доста ретка и денес, и не се практикува и не се применува како порано. Сепак, можете лесно да ги усвоите овие навики ако сакате да ја зголемите вашата интелигенција.

1. Интелигентните луѓе ги доведуваат во прашање мејнстрим идеите

Интелигентните луѓе не веруваат во се` што ќе слушнат; тие се сомневаат во традицијата, верувањата, моралот, целиот систем во кој живееме, и во основа секој вид на идеја која постои. Тие применуваат вештини за критичко размислување и ги истражуваат прашањата пред да формираат некакво мислење. Тие не веруваат во се` што ќе слушнат на вестите или од било кој претставник на власта. Високо интелигентните луѓе ги препознаваат лагите и не дозволуваат луѓето да ги играат. Догмата не значи ништо за нив - тие мислат онака како што сакаат и го следат својот пат во животот.

2. Интелигентните луѓе не им се восхитуваат на идолите

Високо интелигентните луѓе не го гледаат некој како господар. Иако знаат дека секој може нешто да ги научи во животот, тие не поседуваат знаење на секоја тема. Никој не ги знае сите одговори, па според тоа, високо интелигентните луѓе немаат идоли. Тие себеси се гледаат како личен гуру.

3. Постојано се во потрага по знаењето

Високо интелигентните луѓе никогаш не се чувствуваат сосема задоволни со она што го знаат - тие секогаш сакаат да научат повеќе и да имаат поголемо искуство. Тие уживаат во проширувањето на нивниот ум и навлегувањето во интелигентен разговор. Тие се зависни од знаењето и не си дозволуваат себеси да станат безгрижни бидејќи со тоа стагнираат. Тие знаат дека знаењето е вистинска моќ, па тие сакаат да поседуваат ментална муниција.

4. Интелигентните луѓе ги претвораат своите мисли во акција

Високо интелигентните луѓе знаат дека мислите и идеите не значат ништо без акција. Тие сфаќаат дека за да бидат успешни, тие мораат нивните мисли да ги претворат во акција и вистински чекори. Мислите во вашата глава нема да имаат никаква корист доколку не ги споделите со другите и доколку не ги искористите за да обезбедите нешто за овој свет.

5. Тие го ценат тивкото размислување

Најмногу од се`, високо интелигентните луѓе ја знаат цената на размислувањето во себе. Овој свет се движи толку брзо такашто не става акцент скоро на ништо. Сите мора да работиме, произведуваме, да се движиме и да заработуваме. Не поминуваме доволно време размислувајќи, живеејќи, сакајќи... Затоа, високо интелигентните луѓе поминуваат колку што е можно повеќе време со самите себеси и нивните мисли.