За да учите фолозофија не мора да одите на „Оксфорд“. А и зошто да одите кога можете да учите од дома. На „Јутјуб“ можете да најдете листа на која има 41 предавање од курсот на „Оксфорд“ наречен „Општа филозофија“.



Oвој курс може да ви понуди серија предавања на Питер Миликан на студенти од прва година кои студираат филозофија на „Оксфорд“. Предавањата вклучуваат 8-неделен курс по Општа филозофија, кој им се предава на бруцоши. Овие предавања имаат цел да овозможат детално претставување на многу филозофски теми и да го разбудат интересот кај студентите и другите луѓе за размислување за клучни области од филозофијата. Хронолошки разгледувајќи ја историјата на филозофијата, секое предавање е поделено на три или четири дела, кои опишуваат одреден филозофски проблем и како различни филозофи се обиделе да го решат прашањето. За оние што се заинтересирани за големите животни прашања, на пример, како го сфаќаме светот, кои сме ние и дали сме слободни да дејствуваме, оваа серија ќе биде информативна, опсежна и пристапна.

Во курсот се опфатени следните филозофи: Аристотел, Декарт, Хобс, Лок, Беркли и Хјум. Предавањата може да се гледаат на YouTube, iTunes или на страницата на Универзитетот.