Гинисовата книга на рекроди не ги прифаќа записите за најдолг период поминат без спиење. Зошто? Затоа што овој подвиг е прилично опасен. Меѓутоа, еднаш има направено исклучок и еднаш прифатила ваков предизвик - она што му се случило на актуелниот рекордер била причината зошто престанале да прифаќаат вакви подвизи. Запознајте го Ренди Гарднер.

Кон крајот на декември 1963 година, 17 годишниот Ренди Гарднер заедно со двајца пријатели, Бру Мекалистер и Џо Марчиано се пријавиле на саемот за наука со интересен подвиг: дека ќе го собори рекордот за поминати денови без спеиње.

Голем дел од луѓето веруваат дека недостатокот на сонот може веднаш да биде фатален. Еден експеримент спроведен на мачки, кои биле држени 15 дена без сон, покажал дека мачките и не завршиле многу добро. Но како што Мекалистер изјавил за „Би-Би-Си“ многу години подоцна, овој суров екпсеримент не го зел во предвид фактот дека мачките не само што биле будни туку и биле одржувани будни со стимуланси што предизвикувале хаос во нивниот внатрешен систем.


Во секој случај, тројцата пријатели биле решени да победат на саемот за наука и биле подготвени да си ги ризикуваат животите. Експериментот станал национален. Всушност, за кратко време, била третата најпозната приказна објавена од американскиот печат, по атентатот на претседателот Кенеди и историското патување на Битлсите во Америка. Истражувачот д-р Вилијам Демент слушнал за експериментот и на момчињата им ја позајмил неговата експертиза.

На крајот, Гарднер останал буден 264.4 часа односно 11 дена и 25 минути. Во текот на тој период, Демент и неговите пријатели го следеле неговиот ум преку серија на когнитивни и сензорни тестови. После два дена без спиење, тој започнал да има проблеми со повторување на едноставни јазични задачи и не можел да ги идентификува предметите со допир. Неговите сетила се зголемиле, и тој станал чувствителен на силен мирис. До петтиот ден, тој започнал да халуцинира, и не можел да формира краткорочни сеќавања. Неговите пријатели користеле различни физички активности за да го одржуваат буден, а неговите способности за кошарка всушност се зголемија во текот на таа непроспиена недела и пол.

Откако експериментот завршил, се случиле неколку работи. Прво, добрите вести. Гарднер заедно со пријателите го освоил првото место на саемот за наука, а неговото достигнување било овековечено во Гинисовата книга на рекорди. Лошата вест: како што поминувале годините, Гарднер започнал да се кае дека го направил експериментот. Во доцните 2000-ти, Гарднер започнал да се соочува со несоница. Иако не може да се каже сигурно, тој е убеден дека причината е неговиот тинејџерски експеримент. Поминале неколку години пред да ја среди рутината во спиењето. Сепак, и денес, тој навечер може да спие само 6 часа.