Издавачкиот центар „Три“, со цел да им излезе во пресрет на читателите во периодот на изолација, предвреме ја става во функција својата нова специјализирана апликација за читање електронски книги Kniga.mk, изработена со поддршка на Фондот за иновации и технолошки развој.

Kniga.mk е мобилна апликација достапна за iOs и андроид-корисници, која овозможува пристап до голема база на електронски книги, изданија на „ТРИ“ и „Паблишер“, достапни за купување и прелистување на сите уреди – која нуди одлично читачко искуство и можност за многу лични приспособувања.

На овој начин, книгите стануваат достапни во секој дом и во секое време. За сите корисници во промотивниот период, „ТРИ“ издвои 20 бесплатни ексклузивни изданија од својата продукција. Книги од домашни ексклузивци како Венко Андоновски, Винка Саздова, Коста Петров, Ана Јовковска и атрактивни преводни изданија ќе бидат достапни за сите што ќе ја симнат и користат апликацијата Kniga.mk од App Store и Google Play.