Неисплатени стипендии на 217 ученици од Спортската академија, во какви услови работат општите лекари во земјава преку приказната на младата докторка Мартина Павлова, какви студентски денови имала писателката и издавач Винка Саздова, ја запознавме и Теодора Василева, студентка на Архитектонскиот факултет од Скопје... ова се дел од темите што ги истражувавме неделава.
МОН најавува дека до крајот на наредната недела ќе бидат исплатени деветте рати за учениците, а проблемот го префрлаат кај учениците, кои не пријавиле дека имаат некаква промена во трансакциската сметка.
Матичниот лекар е многу повеќе од препишување лекови и упатувања до специјалисти. Пациентите бараат посветеност, емпатија, внимание и насмеано лице, вели младата докторка Мартина Павлова (28) од Скопје. Во време кога нашата земја цела деценија се соочува со одлив на кадри, ова се луѓето што решија да не заминат. Нивните приказни ги објавуваме во рубриката „Јас не заминав“
Јас не учев за оценка, учев за себе. И мислам дека тоа е океј. Просекот е за другите, знаењето за тебе лично. Треба да се храни душата, а не егото, вели писателката и издавач во „Кога бев студент“, приказна што Факултети.мк ја реализира заедно со „Пивара Скопје“
Психологијата била нејзината определба за студирање. Ја засакала благодарение на инспиративните предавања на нејзината професорка по психологија. Иако никогаш не работела во професијата, Винка Саздова во сѐ што работела по студирањето го употребувала знаењето од оваа наука. Исто така и во нејзините романи („Понекогаш доаѓа среќа“, „Последниот чај“, „Полиња со диви нарциси“ и „Луна“), кои се психолошки драми.
Преголеми паралелки во гимназиското образование, за сметка на загрижувачки малкуте во средните стручни, како и билдање нереални оценки се доволна причина за посериозно да се сфати уписната политика во средните училишта во земјава. Директори на училишта посочуваат дека мора да се промени начинот на запишување во средните училишта.
- Бројот на гимназиските паралелки постојано расте - вели Драган Арсовски, директор на гимназијaта „Раде Јовковски-Корчагин“ од Скопје.

Кога пред четири години се вратила од Белгија каде што учела средно училиште и се запишала на Архитектонскиот факултет во Скопје, сите ја прашувале зошто се одлучила за студии во Македонија кога можела да одбира од целиот свет?
И денеска 22-годишната Теодора Василева го дава истиот одговор:
- Сакам да учам во Македонија бидејќи студиите на одредени факултети го имаат истиот квалитет. Тоа беше мојот одговор. Се покажа дека сум во право. Кога комуницирам со студенти и професори од оваа струка од цел свет, кога работиме на заеднички проекти, во квалитетот и знаењето воопшто не се разликуваме - објаснува Василева, која ја завршува четвртата година од студиите.

Концертот посветен на легендарната група „Пинк Флојд“ со кој Ѓоко Танески и 11 други музичари лани ја одушевија публиката во Долни Сарај - Охрид, на 18 јуни ќе биде изведен во Скопје. Делови од музичко-визуелниот спектакл таа вечер го видоа многу повеќе луѓе од присутните. Речиси да немаше човек кој во живо не пренесуваше дел од концертот на социјалните мрежи.
Има само една мала разлика. Песочните плажи, морето, базените, веќе приготвената храна, измиеното овошје, исечканата салата, наместениот кревет... Веќе зборуваме за нешто што секој го заслужува – одмор од соништата. Со „Фибула ер травел“ треба само да си изберете термин и со чартер-лет за помалку од два часа да запливате во безгрижноста.