Стадионот „Хенингсва“ во истоименото норвешко село, каде што живеат околу 500 жители, го опкружува магична природа, а многумина го сметаат за најубав во светот.
Норвешките Лофотенски Острови дури во 2007 година станале поврзани со остатокот од земјата преку мостови, а претходно до островите можело да се стигне само со траект. Но, без оглед на оддалеченоста, местото честопати е на листата со дестинации во светот што дефинитивно треба да ги посетите.
Иако лежи северно од поларниот регион, поради северноатлантската струја, климата е умерено блага - просечната температура во јануари е околу нула степени, а во јули околу 12 степени. Морето околу островите е едно од најзначајните норвешки подрачја за риболов, па не изненадува што жителите претежно ловат и преработуваат риби.
Но, на љубителите на фудбалот овие острови им се интересни поради фасцинантниот стадион. Вембли, Камп Ноу и Маракана се легендарни, но стадионот на овие острови навистина мами со својата извонредна
убавина.
Фото:
Instagram