Владата на Австралија планира да ги смени цените за студиските програми низ целата држава. Цените за студирање ќе се намалат за некои програми, а ќе се зголемат за други. Најмногу ќе бидат погодени програмите во општествените науки, кои ќе бидат покачени за 113%.

Според „Гардијан“, министерот за образование Ден Техан треба ја извести нацијата за оваа промена во секој момент. Според новите планови, програмите за комерција и право ќе бидат поскапи за 28%.

Целта е повеќе студенти да се насочат кон програми поврзани со побарани работни места. Затоа цените за студирање на програмите во областите на науката, технологијата и инженерството значително ќе се намалат за новите студенти. Програмите по агрокултура и математика ќе бидат поевтини за 62%, а програмите по наука, инженерство, информатичка технологија, медицина и екологија ќе чинат 20% помалку.


Намалување од 46% ќе има кај програмите за предавање англиски јазик, како и оние за медицински сестри и клиничка психологија. Цените на програмите во областа на медицината и стоматологијата нема да бидат променети.

Според министерот за образование, 60% од новите студенти ќе плаќаат помалку за студиите или еднакво како претходните генерации. Се претпоставува дека работните места во одредени области ќе пораснат во следните 5 години. Тука се научните, технолошките, медицинските и образовните области, како и градежништвото.


Промените во цените за студирањето треба да одговорат и на промените што се резултат од пандемијата.

Според „Гардијан“, 154.000 матуранти ќе се запишат на факултет во Австралија следната академска година. Во 2019 г. бројот изнесувал 133.000.

Автор: Тиган Џонс
Извор: gizmodo.com.au