Сите знаеме дека гумите на автомобилите се трошат, но дали некогаш сте размислиле каде одат сите тие честички?

Загадувањето од абењето на гумите може да биде 1.000 пати полошо од загадувањето од издувните гасови на автомобилите. Група британски студенти создале уред кој се прицврстува на гумата на автомобилот, а го намалува загадувањето предизвикано од абењето на гумите.


Во Европа секоја година се создаваат половина милион тони микропластика од абењето на гумите. Иновативниот уред наречен „Тајр колектив“ отстранува 60% од честичките што се создаваат со трошењето на гумите на патиштата.

Уредот неодамна ја доби престижната британска награда „Џејмс Дајсон“ за натпревар за дизајн.


Автор: Долорес Катанич
Извор: euronews.com