Бакингемската палата го бара вистинскиот кандидат кој ќе приготвува вегански оброци за да ги задоволи барањата на кралот Чарлс.

Ако приготвувањето вегански оброци е вашата специјалност, Бакингемската палата нуди работно место за вас. Во моментов, кралската резиденција има испратено оглас за готвач чија задача ќе биде да приготвува врвни вегански оброци.

Готвачот ќе приготвува оброци користејќи сезонски намирници и ќе управува со резервите на храна во кујната и со персоналот.

- Опсегот и разновидноста што ги нуди оваа работа се огромни - пишува во огласот.

Позицијата бара посветеност 45 часа, пет дена неделно.

- Исто така, ќе работите со главниот готвач и кралскиот готвач, оживувајќи ги традиционалните јадења и поттикнувајќи нови идеи за менија. Во сето она што го правите, треба да го гарантирате најдоброто - пишува во огласот.

Готвачот ќе се приклучи на тим од уште 30 готвачи кои приготвуваат оброци во шест резиденции. Бидејќи готвачот ќе биде одговорен за готвење за кралското семејство и гостите, квалификуваниот кандидат ќе треба да биде вешт во приготвувањето вегански оброци и да ги исполни барањата за исхрана на кралот Чарлс.

Дали кралот Чарлс е веган?

Во интервју за Би-би-си во 2021 година кралот Чралс откри дека го ограничува својот внес на производи од животинско потекло во обид да ја поддржи борбата против климатската криза.

Иако тој не е веган, се воздржува од месо два дена во неделата и еден ден не консумира никакви млечни производи.