Светилникот Рубјерг Кнуде, кој се наоѓа во северните песочни дини во Данска, беше преместен, првпат по 120 години. Со помош на платформа со тркала е поместен за 70 метри поради ерозијата на земјиштето што се закануваше да го урне историскиот споменик во морето.
Светилникот е тежок 720 тони. Операцијата траела неколку часа, а била планирана 10 недели. Земјиштето околу зданието ќе биде пополнето со цемент.
Рубјерг Кнуде е популарна туристичка дестинација која годишно привлекува околу 250.000 луѓе.
Светилникот почна да се гради во 1899 година, а првпат засвети на 27 декември 1900 година. Кога беше изградена, кулата беше 200 метри оддалечена од морето. Но, ерозијата на земјиштето го намалувала тоа растојание за 2 метра годишно.
Извор: МИА