Патувањето не е само бегство од секојдневието, туку е и врата на среќата. И не се работи само за романтизирање на патувањата, туку за толкување на она што го покажува едно ново истражување.

Имено, кога излегуваме надвор, не истражуваме само нови места, туку се истражуваме и себеси.

Истражување објавено во „Журнал оф консјумер сакјолоџи“ потврдува дека патувањето е од суштинско значење за нашата еволуција бидејќи го отвора умот, ги намалува проблемите и грижите и го збогатува емоционалното наследство.

Освен тоа, патувањето нѐ прави посреќни од материјалните работи. Купувањето може да донесе моментално задоволство, но емоциите предизвикани од патувањето траат. Истражувањето под наслов „Прекрасен живот: искуствено трошење и потрага по среќа“ покажува дека патувањето е клучна компонента на нашиот идентитет.

Ако мислите дека заљубувањето е највозбудливиот момент во вашиот живот, размислете повторно. Истражувањето на 17.000 луѓе од 17 земји покажува дека патувањето е повозбудливо од бракот или од раѓањето бебе. Дури 70 отсто од испитаниците признаваат дека трошењето пари на патување ги прави посреќни од какви било материјални добра.

Професорот по психологија Томаш Гиловиќ истакнува дека задоволството што доаѓа од материјалните предмети е краткотрајно, додека патувањето остава неизбришлива трага во нашите животи.

И не заборавајте на енергијата што ја носи патувањето. Дури 94 отсто од луѓето што се впуштаат во авантура се враќаат со зголемено ниво на енергија. Компаниите го препознаа ова, сфаќајќи дека одморот е клучот за оптимална продуктивност. Нашата самодоверба се зголемува, односите стануваат полесни, стравовите се намалуваат и стануваме посреќни.

Затоа, ако некој некогаш ви каже дека премногу патувате, само кажете му дека работите на вашата благосостојба.

Извор: b92.net
Фото: Freepik