Американскиот рапер и продуцент Доктор Дре е најбогатиот музичар на десетлетието според топ-листата на списанието „Форбс“.

Неговата финансиска состојба се проценува на 950 милиони долари. Неговиот последен албум „Compton” излезе 2015 година, но раперот е и соосновач и сопственик на 20 отсто од акциите на продуцентската компанија „Битс електроникс“, која 2014 година беше купена од „Епл“.

На второ место на листата на „Форбс“ е американската кантри и поп-пејачка Тејлор Свифт со 825 милиони долари, која е и најплатена музичарка за оваа 2019 година. По неа следува Бијонсе, која изминатите 10 години заработила 685 милиони долари.