Американскиот писател Ричард Бах е познат по најпродаваните книги во 70-тите години, меѓу кои се „Галебот Џонатан Ливингстон“, „Дарот на крилјата“ и „Илузии“. Има напишано голем број романи и полуавтобиографски книги користејќи вистински или измислени настани од неговиот живот за да ја прикаже својата филозофија.

Неговата љубов кон авијацијата и книгите поврзани со летањето останала со него цел живот. Во продолжение ви нудиме негови зборови на мудрост што ќе ве поттикнат да го гледате животот од поинаква перспектива и да ги прифатите и добрите и лошите работи во него.

- Вистинските љубовни приказни никогаш немаат крај.

- Никогаш не ви е дадена желба без да ви биде дадена моќ да ја остварите. Но, мора да работите на неа.

- Еве тест за да откриете дали вашата мисија на Земјата е завршена. Ако сте живи, не е.


- Животот не ти кажува ништо, но ти покажува сѐ.

- Дали километрите навистина може да те одделат од пријателите... Ако сакаш да бидеш со некој што го сакаш, нели си веќе таму со него?

- Колку повеќе сакам нешто да сработам, толку помалку го нарекувам работа.

- Секоја личност, сите настани во твојот живот се присутни бидејќи си ги привлекол. Она што ќе избереш да го направиш со нив, зависи од тебе.

- Најлошите лаги се оние што си ги кажуваме себеси. Живееме во одрекување на она што го правиме, дури и она што го мислиме. Ова го правиме бидејќи се плашиме.

- Твојата совест е мерка за искреноста на твојата себичност. Слушај ја внимателно.

- Наједноставните работи честопати се највистинските.

- Брани ги твоите ограничувања и биди сигурен дека се твои.

- Она што за гасеницата е крајот на светот, за учителот е пеперутка.