Истражувањето откри дека мозокот се стимулира на начин кој е десетпати посилен кога луѓето посетуваат музеј и гледаат уметност лично отколку кога гледаат репродукција или копија, на пример, разгледница или постер. Истражувачите користеле технологија за следење очи и скенирање со МРИ за да ја снимат активноста на мозокот на група од 20 волонтери кои ги гледале вистинските уметнички дела и нивните репродукции, без разлика дали се во продавницата на музејот или се појавиле како слика.

- Кога ја гледате вистинската работа, станувате ментално побогати, без оглед дали сте свесни за тоа или не, бидејќи создавате врски во вашиот мозок - вели Мартин Госелинк, директор на „Маурицхејс“.

За истражувањето, 20 волонтери на возраст помеѓу 21 и 65 години имале прикачен мозочен скенер за електроенцефалограм и опрема за следење на очите. Од нив било побарано да погледнат пет уметнички дела во музејот, но и неколку репродукции. Вистинските слики предизвикале интензивен позитивен одговор во прекунеусот, дел од мозокот поврзан со свеста, саморефлексијата и личните спомени. Од сите набљудувани слики, познатата слика „Девојката со бисерна обетка“ предизвикала најсилни реакции во мозокот на волонтерите.

- Ја гледате во очите, потоа во устата, па во бисерот. А потоа повторно ја гледате во устата, очите, бисерот. И продолжувате да гледате. Зошто не можете да го тргнете погледот од неа? Луѓето природно се фокусирани на лица. Кога гледате во нечие лице, дури и ако станува збор за фотографија, вашиот мозок автоматски се обидува да ги дешифрира емоциите на таа личност. Така одредувате дали некој е безбеден или не - пишува во соопштението од музејот.

Извор: Mymodernmet.com
Фото: Wikimedia Commons