Еден од најголемите авторитети во светот на филмот, Мартин Скорсезе, е познат по љубовта кон кинематографијата и почитта кон другите режисери.

Во текот на неговата кариера тој често им оддаваше почит на неговите филмски идоли, како Пауел и Пресбургер, Анджеј Вајда и Федерико Фелини. Скорсезе верува во кинематографијата како уметничка форма, а не како алатка за продажба на стоки или демонстрација на нови технологии.

Во едно интервју направено неодамна режисерот препорачува филм за кој верува дека сите треба да го погледнат.

- Сите треба да го погледнат филмот „Лице во толпата“ (англ. A Face in The Crowd). Мислам дека филмот е многу важен - изјави Скорсезе.

„Лице во толпата“ од 1957 година во режија на Елија Казан често се занемарува, но носи важна порака. Дејството го следи Лери Роудс, музичар и талкач кој е откриен од репортер додека отслужува казна во затвор на југот. Неговата музика и шарм за брзо време го претвораат во херој, но зад наративот се крие презир кон неговите обожаватели и „обичните“ луѓе кои тој тврди дека ги претставува. Скорсезе ја истакна важноста на овој филм поради неговата „пророчка природа“.



Приказната на Роудс ја открива неговата опсесија со славата и признание дека неговата темна страна се појавува низ пијанството, несоодветното однесување и манипулацијата. Скорсезе истакна дека филмот е важен бидејќи ги потсетува гледачите дека ликовите како Роудс не се нови.

Кога филмот беше објавено во 1957 година, се сметаше за крајно циничен, но од денешна перспектива, неговото оптимистичко финале е речиси како излезено од бајките. Роудс губи сè откако ќе биде разоткриен како лицемер.  Скорсезе вели дека филмот не го менува текот на историјата, туку служи како важен потсетник.

- Станува збор за предупредувачка приказна која навистина вреди да се гледа - вели Скорсезе.

Извор: n1.info.rs
Фото: Screenshot/YouTube