Восочната фигура на американскиот претседател Абрахам Линколн се стопи поради високите температури забележани на 22 и 23 јуни во Вашингтон.

Најпрво се стопи главата, па едната нога и остана само отпечатокот од стапалата. Столчето на кое седи претседателот потона во земјата.

Главата на восочната скулптура, која е висока шест метри, се преработува, а од вратот излегуваат само жици. Во изминатите неколку дена метеоролозите во САД предупредуваа на топлотен бран во градовите на источниот брег, со температури до 40 Целзиусови степени. Споменикот на 14. американски претседател се наоѓа во Баркер, поранешен бегалски камп од Граѓанската војна, каде што Афроамериканците биле робови, а потоа и ослободени.

Статуата не е само споменик, туку и џиновска свеќа, а ова не е прв пат да се стопи. Статуата била поставена на истата локација во септември 2023 година, но првата верзија на споменикот имала повеќе од 100 фитили.

Во пресрет на Денот на споменот на Линколн, свеќите биле запалени премногу рано, поради што значителен дел од фигурата се стопил. Новата верзија објавена во февруари 2024 година има помалку фитили.

Извор: bbc.com/serbian

Фото: Screenshoot/CNN