Калифорниски стартап пушти во употреба аппликација која се опишува како првиот глобален пребарувач за чиста вода за пиење. Системот наречен „Тап“ (што во превод значи чешма) е дизајниран да им овозможи на луѓето начин на кој би можеле лесно да ги дополнат нивните шишиња за пиење вода кои можат одново да се користат и да ja редуцираат еднократната употреба на пластичните шишиња.

Концептот е едноставен и лесен. Бесплатната апликација работи со ГПС локатор на вашиот телефон за да ги пронајде блиските фонтани, станици за дополнување на шишињата итн. Локалните резултати се појавуваат на мапа исто како да барате кафе бар или бензинска станица.

Надежите се дека секој ќе може да споделува информации за извори на вода насекаде во светот. Од пуштањето во употреба, системот веќе вклучува повеќе од 34.000 кафе-барови, ресторани и други бизниси во 30 земји.

Извршниот директор Самјуел Иан Роузен истакна дека втората фаза од планот е проширување на сервисот преку дополнување на листата од страна на корисниците за да може на листата да се најдат повеќе фонтани.


Тој додава дека крајната цел на проектот е да се создаде база на податоци со милиони извори на вода и шишињата за повеќе употреби да се направат исто толку практични како и пластичните шишиња за една употреба.

-Ни велат: Еве, водата е практично достапна за вас во овие пластични шишиња и можете да си ја купите сопствената вода. Лудо е што владата дозволува компаниите да ја пакуваат нашата вода и да ни ја продаваат - вели Самјуел.