„Нема правда, има Бубамара“ беше слоганот под кој вчера се одржа манифестацијата „Златна бубамара на популарноста“. Со многу шеги и смеа им беа доделени признанија на најпопуларните и најуспешните за 2019 година.
Наградата „Пејачка на годината“ ја освои Тамара Тодевска, а таа дома си замина и со наградата „Хит на годината“ за песната „Proud“.
Наградата „Најсатирична емисија“ ја доби „Фчерашни новости“, наградата за „Трајни музички вредности“ ја доби „Електрични оргазам“, наградата за „Најпопуларен ТВ-проект“ ја доби ситком-серијата „Преспав“, а наградата „Пејач на годината“ ја доби Влатко Лозановски.
Погледнете дел од атмосферата во салата „Борис Трајковски“.
Фото: Борче Поповски