Останати се само неколку стотици од нив, а сега популацијата на загрозените суматрански тигри во индонезиските џунгли претрпе уште еден удар откако прекрасно животно беше убиено при бесмислена несреќа.

Ловец се надевал да намами дива свиња на островот Суматра, но во неговата стапица не се фатила свиња, туку голема суматранска тигрица.

Тој ги известил службениците, кои отишле на местото за да ја најдат тигрицата, но ја немало. Подоцна ја нашле мртва во близина на еден дол, а околу нејзината половина било јажето од стапицата. Се сомневаат дека тоа е причината за смртта на животното.


Се проценува дека популацијата на суматранските тигри брои помалку од 400 единки, а нивниот број се намалува. Затоа секој тигар е неверојатно скапоцен.

Според индонезиските закони, убивањето заштитени видови, како што е суматранскиот тигар, може да биде казнето со затворска казна до пет години и парична казна од околу 6.700 долари.