Винод Косла, милијардер и инвеститор во компанијата „Опен АИ“, очекува вештачката интелигенција да ја смени глобалната економија.

- Вештачката интелигенција треба да биде многу дефлаторна во следните 25 години - напишал Косла на социјалната мрежа „Х“.

AI should be hugely deflationary over twenty five years. Capital should be scarce for a while, current measures of GDP and the economy will be less relevant but goods and services should be in great abundance. The key question is what are the right measures and the right… https://t.co/NcPRWY3y04

— Vinod Khosla (@vkhosla) December 26, 2023

Неговото предвидување доаѓа додека светот се соочува со голема инфлација. Во период на дефлација, цените паѓаат и тоа доведува до помала профитабилност за компаниите и стагнација на економскиот раст. Меѓутоа, Косла предвидува дека влијанието на вештачката интелигенција ќе ги направи помалку релевантни традиционалните мерки за економско здравје.

- Капиталот треба да биде оскуден некое време, сегашните мерки за БДП и економијата ќе бидат помалку релевантни, но стоките и услугите треба да ги има во големо изобилство - вели тој.

Фирмата на Косла инвестира 50 милиони долари во „Опен АИ“ во 2019 година. Инвеститорот, кој има 68 години, често зборува за вештачката интелигенција. Во декември рече дека вештачката интелигенција не е најголемата закана за светот и луѓето се фокусираат на погрешните ризици.

Извор: Business insider
Насловна фотографија: Wikipedia