Постојат разни проекти во кои може да се вклучите, а дел од нив се поврзани со науката. Научниците низ целиот свет се во трка да најдат ефективни третмани и вакцини за спречување на ширењето на коронавирусот. 


„Фолдит“ е онлајн-игра која им помага на играчите подобро да ги разберат структурата и функцијата на протеините. Тимот на „Фолдит“ сега ги предизвикува играчите да дизајнираат антивирусни протеини кои би можеле да се врзуваат со коронавирусот. Најдобрите дизајни ќе бидат произведени и тестирани.

Сличен проект е „Фолдинг ет хоум“. Оваа компанија ги користи компјутерите на корисниците за да прави пресметки. Вашиот компјутер може да стане еден од илјадниците калкулатори што работат заедно.

Проектот за онлајн-следење „Флутракинг“ помага во следењето на грипот. Учесниците пополнуваат кратки анкети секоја недела и со тоа им помагаат на истражувачите во следењето на симптомите на грипот. Оваа иницијатива е само за граѓаните на Австралија и Нов Зеланд.

Програмата „Пејшнтс лајк ми“ им помага на пациентите што имаат одредена болест да ги споделат искуствата и третманите со другите што имаат слични состојби. Програмата од неодамна има и група луѓе што се заболени од Ковид-19.


Проекти за зачувување на околината

Доколку не сакате да мислите на коронавирусот, има разни опции во областа на екологијата. Може да придонесете за зачувување на природата преку интернет. Некои веб-страници од корисниците бараат податоци од програми кои се во тек со тоа што корисниците опишуваат фотографии направени со дигитални камери. Еден пример е австралиската „Камера воч“. 

Други веб-страници бараат волонтери кои би транскрибирале податоци од колекции и метеоролошки станици. Годинава првпат повеќе австралиски градови ќе учествуваат во предизвик во кој ќе предлагаат начини за следење на процесите во природата без нарушување на социјалното дистанцирање. 

Автор: Стивен Харис
Извор: theconversation.com