Астронаутите на Меѓународната вселенска станица имаат ретка чест да уживаат во најубавиот поглед на нашата планета. Скоро секој ден објавуваат фотографии кои нѐ фасцинираат со неверојатна перспектива и прикажуваат планета на која не се гледаат граници и конфликти.
Астронаутот Џеф Вилијамс претходно оваа година со својата камера сними ултра ха-де видео од планетата, а сега НАСА објави снимка која ќе ви го разубави денот. На видеото можете и да го слушнете Вилијамс како зборува за чувството кога ја гледа нашата планета и како овој поглед ќе ги воодушеви сите.
Но, Вилијамс зборува и за тоа колку е важно да се подели овој единствен поглед со другите.
„Кога ќе ја завршите мисијата и ќе се вратите на Земјата, чувствата за брзо време избледнуваат“, вели Вилијамс и додава дека ваквите снимки може да го пренесат искуството на глобално ниво.