Aурора, ѕвезди и метеор се снимени во неверојатно ново видео направено од Меѓународната вселенска станица.

Астронаутот Метју Доминик од НАСА, командант на мисијата „Спејс екс кру-8“, сподели нов тајмлепс од фотографии од Земјата направени непосредно пред изгрејсонце. Оваа ноќна глетка вклучува поларна светлина која танцува низ атмосферата на Земјата.

Тајмлепсот е направен од внатрешноста на модулот „Купола“ на орбитирачката лабораторија, а во преден план на видеото се гледа роботскиот „Канадарм2“.

- Ако гледате внимателно, можете да видите „напад“ на метеори кон Земјата - напиша Доминик во објавата.

Сепак, најистакнат дел се зелените и виолетовите поларни зраци кои го осветлуваат ноќното небо.

Satellites, stars, and, a meteor . . . Night timelapse just prior to sunrise. If you watch carefully, part way through you can see a meteor streak towards earth.

I do not have the settings readily available, but they are likely: 50mm, f1.2, ISO 6400, 1/4s, with a 1/2s interval. pic.twitter.com/bAsFsu2Q4m

— Matthew Dominick (@dominickmatthew) July 21, 2024

Извор: Space.com
Фото: NASA/Matthew Dominick