Повеќето од нас слушнале за виножитата, но дали некогаш сте слушнале за бело виножито, односно виножито на Месечината? Фотографот Брајан Хокинс сигурно има слушнато. Всушност, тој ги фотографира овие виножина создадени од месечевата светлина уште од 2011 година. Неговото главно место за фотографирање е националниот парк Јосемити, каде што водопадите добиваат доволно Месечева светлина за да се создаде овој посебен феномен.
Хокинс станал толку вешт во предвидувањето на овие месечеви лакови што дури и поставил корисна веб-страница за да ги сподели неговите откритија. Тоа е затоа што додека белите виножита се случуваат често како и обичните виножита, потешко е да се видат при слаба осветленост.
Фото: Brian Hawkins
- Во пракса, најлесно е да се видат кога Месечината е речиси полна во
ведра ноќ додека стои во близина на маглата на водопадот. Препорачувам
да погледнете по два дена откако Месечината ќе биде 100 отсто полна. Ако
сте доволно среќни да го фатите феноменот на камера, за време на Супермесечина е уште поинтензивен - вели тој.
Веб-страницата за бели виножита на Хокинс одлична објаснува што можат да очекуваат фотографите кога ќе ја видат оваа посебна појава. Ова е важно бидејќи белите виножита не изгледаат како што може да се очекува на прв поглед.
Фото: Brian Hawkins
- За човечкото око, белите виножита изгледаат досадно и безбојно, појавувајќи се како сив лак во маглата на водопадот. Ова е затоа што чувствителноста на човечката визија за боја е намалена во средини со слаба осветленост. Фотографијата подолу го симулира она што нашите очи го гледаат кога за првпат гледаме Месечина со нашите очи. Со доволно време поминато прилагодувајќи се на слабата осветленост, боите ќе станат поочигледни, но не толку живи како што изгледаат на камера - пишува Хокинс на страницата.
Фото:
Brian Hawkins/Instagram