Аудиокнигите одамна не се нешто необично и многумина уживаат да слушаат дела преку популарните платформи и апликации. „Фабули“ е уште едно такво решение, но претежно се фокусира на познатите книжевни класици…

Фабули е мобилна апликација која настојува да го искористи фактот што големото мнозинство класични книжевни дела се достапни целосно бесплатно, па всушност се наметнува како одлично решение за сите што сакаат да уживаат во аудиокнигите на славните книжевни класици.

Апликацијата нуди дела од некои од најголемите имиња на светската книжевност, од Џејн Остин, Артур Конан Дојл и Едгар Алан По, па сè до Достоевски и Толстој, а секако е згодно тоа што нема временски ограничувања за слушање, додека можеби еден од најпрактичните детали е можноста за синхронизирано следење на текстот додека трае нарацијата.

Треба да се има на ум дека најголемиот дел од звучните записи во бесплатната верзија потекнуваат од јавно достапни проекти како Либривокс и Гутенберг, па треба да се прифати и фактот дека квалитетот на нарацијата и звучниот запис може прилично да варираат (добар дел од содржините ги читаат волонтери). Сепак, тоа што бесплатно може да се ужива во многу книжевни наслови има поголема тежина од разликите во квалитетот.