Последниот прозиведен „боинг 747“, американскиот авион кој го револуционизира воздушниот сообраќај, во кралски стил го прелета небото над државата Вашингтон.

„Атлас ер“, американска карго-компанија, го транспортира последниот „боинг 747“ произведен на 2 февруари.

Маршрутата на летот била специфична - летале по патека која наликувала на круна во чиј центар се наоѓале броевите седум, четири и седум.

Неколку дена претходно работниците на фабриката му кажаа збогум на авионот кој го доби прекарот „Кралица на небото“.

„Боинг 747“ е еден од најпрепознатливите авиони во светот, а ја започна ерата на таканаречените џамбо-џетови.


Неколку илјади вработени во „Боинг“ се собраа во фабриката во Еверет, дом на овие авиони од 1967 година, за да се збогуваат со последните 747. Меѓу присутните беше и актерот Џон Траволта, кој е ентузијаст и пилот во авијацијата.

Како амбасадор на „Кантас ерлајнс“, тој потсети дека научил да лета баш со овој модел на авион.

- Тоа беше еден од најтешките курсеви за пилоти на комерцијални авиокомпании - рече актерот.

Меѓу оние што се збогуваа со последната „Кралица на небото“ беа дизајнерите и инженерите кои помогнаа во развојот на авионот во 60-тите години.

Последниот 747 излезе од склопувачката лента на 7 декември, по поминати инспекција, летачко тестирање и бојадисување пред да биде предаден на „Атлас“, кој ќе го користи авионот како товарен.

Дизајниран за само 28 месеци, 747 бил првиот двомоторен млазен авион, а во 1970 година авиокомпанија „Пан Ам“ ги купи првите авиони.

Иако беше еден од најпродаваните модели на „Боинг“, побарувачката за 747 се намали во последниве години бидејќи и компанијата и нејзиниот европски ривал „Ербас“ развија поефикасни и попрофитабилни авиони.

Во 2020 година „Боинг“ објави дека ќе го прекине производството на 747.

Извор: BBC
Фото: www.flightradar24.com