Виена е најпривлечниот град за живеење и за посета во светот, се наведува во класификацијата на „Економист интелиџенс јунит“ за 2019 година. Австриската престолнина втора година по ред е пред Мелбурн, а Париз е подолу на листата поради протестите на „Жолтите елеци“.

Виена привлекува туристи најмногу поради концертите на класична музика и империјалната историја, но и со зелените пространства, одличната услуга и високото ниво на безбедност. До пред две години Мелбурн седум години беше на врвот на оваа листа од 140 града во светот.

Разликата меѓу двата града е минимална – 0,7 поени. Виена има 99,1 / 100, а Мелбурн – 98,4 поени. Следува Сиднеј со 98,1 поени. Во првата десетка доминираат Австралија и Канада, со по три града. Јапонија има два претставника – Токио и Осака. Деветти град на листата е Копенхаген, Данска.

Париз падна за пет места, на 25. благодарение на немирите и демонстрациите на „Жолтите елеци“ годинава. Последни во класификацијата се Дамаск, Лагос, Дака, Триполи и Карачи.