Ученици, доколку размислувате што би можеле да направите за вашите наставници, тогаш еве што ви советуваат наставниците, доколку би ги прашале нив.

1. Учете редовно, а не само кога ќе дојде време за тест.

2. Кога нешто не ви е јасно - прашајте!

3. Бидете внимателни на час.

4. Не разговарајте со соучениците за време на час - за тоа служи одморот.

5. Облекувајте се и однесувајте се пристојно - без лак за нокти, шминка и кратки сукњи.

6. Немојте да заборавате да носите прибор и домашните задачи. Училиштето е вашата најважна работа и бидете одговорни кон неа.

7. На училиште не носете ништо што не ви е потребно на час - посебно не вредни работи или нешто со што би можеле да се повредите.

8. Не препишувајте и не им помагајте на соучениците кога одговараат - не си правите услуга ниту себеси ниту на другите.

9. Почитувајте ги вашите другари.

10. И најважно, почитувајте ги вашите наставници, тие сакаат да бидете среќни - тие го посветија својот живот на вас и вашето образование.