Најдобрата цена на светот: 799 долари - или приближно, со сите трошоци, едногодишна гаранција и одличен сервис: 15.400 динари! „Литрон 286“ - 1MB RAM (до 4MB) Hard disk 40 MB, компјутер од професионална класа.
Вака започнува текстот од 1990 година објавен во „ТВ Новости“, а посветен на подарокот кој тогаш сите го посакувале, компјутерот „Литрон 286“.
Во текстот се наведува како може да се изврши уплатата за компјутерот и како за 30 до 60 дена, кога компјутерот ќе стаса во Белград, купувачот ќе треба да плати царина и даноци. Потоа се наведени и карактеристиките на компјутерот.
- AT VLSI матична плоча со процесор INTEL 80286 на 12/16 MHz и подножје за копроцесор;
- 1MB RAM (до 4MB) на плоча;
- Hard disk: SEAGATE ST-157A, 40 MB (28 ms);
- Flopi disk 1.2 MB, TEAC;
- IDE BUS контролер;
- 2 Centronics и 2 RS-232 порти;
- Компактно куќиште (200 W);
- Рамен PAPER WHITE екран: 14 инчи (36 сантиметри);
- Монохромен видео контролер;
- XT/AT тастатура (101 тастер со клик).
Фото: Yugopapir
На крајот од текстот се наведува дека ова е компјутер од познат произведувач, компјутер кој стекнал име на пазарите во САД и Германија и компјутер кој го користат неколку стотици Југословени.
-„Литрон 286“ можете да го видите од 29 ноември, па и да го испробате од 10 до 17 декември 1990 година во Култирниот центар во Белград - стои на
крајот.