Ќерка ми има 3,5 години и сѐ уште не зборува целосно, работиме со логопед и почна да напредува со говорот, но не ја разбирам секогаш. Премногу е темпераментна, но дома намерно прави неред кога не е по нејзино или ако се почувствува запоставена. Оди во градинка и имаме проблем со тоа што ги кубе децата или сака да ги изгребе, но тоа го прави ненадејно, така што може првин да гушка или да милува некое дете, а потоа изненадно да го искубе или да го удри. Кога ќе ѝ врати некое дете, не плаче, го гледа и продолжува напред. Исто така, почесто му го прави тоа на истото дете. Ве молам за помош и совет!