„Смитсонијан асосиејтс“, едукативна програма во рамките на музејот „Смитсонијан“ во Вашингтон, САД, неодамна изјави дека ќе објави 91 нова дигитална програма за јавноста кои ќе бидат достапни на онлајн-платформа.

Во програмите може да се најдат курсеви за уметност, виртуелни тури, предавања од експерти и многу повеќе настани што ќе бидат одржани во текот на летото. Вљубениците во астрономијата може да го истражуваат Млечниот Пат или поларната светлина, или да присуствуваат на виртуелна тура или предавање од областа.


Во програмата ќе има и економски курс за универзумот на Хари Потер, како и едукативни видеа за учење ново хоби. Најавени се настани до ноември.

Ова е првпат „Смитсонијан асосиејтс“ да ги објавува сите свои образовни и културни програми на интернет. Цените за предавањата се движат од 20 долари до 30 долари.

Извор: washingtonian.com